السلام عليكم ورحمة الله وبكاته
أنا لو إني عشت عمر العفاريت
دربي بدرب متعبين المطيه
لو كنت أنا ماني تميمي تمنيت
أكون من عصبة تميم الأبيه
أشد الأمة بالملاحم عناتيت
وهالمفخرة للعلم مستقبليه
بالجهل حزنا صيت و أسلم بنا صيت
وإسلامنا رنّم ثرى القادسيه
يشهد لنا جيحون من دون تصويت
خضناه قدم عيون كل البريه
من فعلنا حل إختراع التوابيت
وكلامنا مقياس للشاعريه
وحكمه وحكام بعكاظ لهم بيت
بأرياهم أبين ما تكون الخفيه
نجيز حجاج الحرم بالمواقيت
ويقال يا أبناء مر جيزو صفيه
تاريخ مشطوب منه مفردة ليت
برماحنا كل المنى واقعيه
على ثرى نجد العذيه مثابيت
مثل الرحى تطحن على الماء سنيه
دوحة قطر/ وقفار / وتخوم تكريت
الوكره / الأنبار/ والكاظميه
الموصل / البصره/ ديالي وإذا جيت
فلوجة / الأمجاد سلّم وصيه
وبثرمداء دارالسيوف المصاليت
سيفي بداح وشيمتي عنقريه
وعرين" أشيقر" للغطاريف لألفيت
دار الوهيبي والجبال وهبيه
و"حوطة تميم" الموت فتّح لياجيت
من الترك ماتلقى سوى المدفعيه
وعلى" قصور المقبل" الركب حثيت
دار الخوي اللي مايرخص خويه
و"روضة سدير" ليا "عشيره" ولبيت
للناصري " بالفرعه" الناصريه
و"حوطة سدير" مع "العيينه" وحييت
" أثيثيه " عينين" و"المزاحميه"
و"تمير" و"المذنب" عنه لوتنحيت
بخطوطها للقلب روحه وجيه
وأرض "القصيم" ارض الزحول الثوابيت
ارض ال ابوعليان والعرفجيه
و"قصر العقيل" به من العز ماالفيت
للضيف خلا باب قصره صنيه
و"الروضه" الفيحاء حشى ماتناسيت
كم عدن برمان حزنا دليه
و"المستجدة" وإن غديت استدليت
بالعود.. يا تركي ..مع الشاذليه
ويمّ " الوسيطاء "لارقيت وتعليت
بياع صنعاء باع مافي يديه
وأرض "الغزالة" حد لامن تماريت
ذبّاحة الدولة سرية سريه
وداري "سميراء "حق ماقد تعديت
يوم الوغى صيحاتنا شبرميه
وفي ماكر "السبعان" ياما تعزويت
بأهل الصخى والعز والمقدريه
و"ضرغط" و "فرتاج" السنين المفاليت
يوم الليالي بالعطش حاتميه
و"قصير غضور" و"المهاش" وتقديت
بنجم "السليمي" لاغدت غيهبيه
ومن الزهاب اللي معي كان دجيت
على " جفيفاء" سقت عمري هديه
و"قصر العشر" طول الليال السماريت
بيارقه بالطيب دايم عليه
و"جهراء"السعيد اللي بها يوصي الميت
يدفن بها لا عاجلته المنيه
و"بالجوف" لي عوق السنين السباريت
عيال حماد الليوث الفتيه
هذا بحد العلم عديت وأزريت
لا أحصي معاقل لاب ة صيرميه
من كثر ما صلنا وجلنا تحديت
كل التواريخ القديمه وذيه
تلقى تميم لصفحة المجد مانشيت
حيّه ونار المجد والعز حيّه
لا جاء الفخر وش عاد يافخر لاجيت
أجيك وآردك بك على الحنظليه
و كانه مكاثر بالعدد لك تصديت
بأ بناء سعد جحافل سرمديه
وللحرب رمحي باليمين وتعزويت
وأقول ياعوق العداء عمرويه
لذا لوإني عشت عمر العفاريت
دربي بدرب متعبين المطيه
لوكنت أن ماني تميمي تمنيت
اصير من عصبة تميم الأبيه
الإثنين أكتوبر 03, 2011 3:51 pm من طرف 
