هايات كيفكون كلايتكون
هذا انا ياطويلين العمر محدثكم مافيه أشين من حظي بالدنيا بكل شي يعني اطقها يمين تجي يسار اطقها يسار تجي يمين <<يعني حظي مثل عكرة الضب تلمسها من يمين تروح يسار وتلمسها يسار تروح يمين
يعني أحس أحيانا" ان حظي حاقد علي مادري ليش؟؟<<أحس أحيانا" انه ماسك علي صور وجالس يبتزني
يعني ياجماعة الخير ماتتخيلون وشلون انا حظي شيييييييييييين<<من هنا لين مدغشقر
دايم أشارك بمسابقات _من سيربح المليون ويسحبون علي واشارك بتجميع صور عصير سن توب ويسحبون علي لاهدايا ولاشي واشارك واشارك واشارك وانواع الحظ العاثر حتى بمسابقه جبن كرافت على شينها مافزت فيها
المهم مرتن من المراريت قررت انا والشلة الموقره (شباب الاستراحه) اننا نغير وجهة السفر لأننا كل سنه نروح لحقل واذا خربناها رحنا للقنفذه...!
فقررنا نخربها ونروح لفرنسا
وبعد محادثات ومشاورات على طاولة الاجتماعات قصدي على سفرة العشاء بالاستراحة وحنا نتعشى من طبخ صقيقي صويلح الدرابا>>صالح الدريبي لبى قلبه
وتقطيع سلطة الشيف ابو نايف<<خيار طوال وجرجير بس...!
مايمديني على الفتوش ياابو نايف
اما سطام الدخالا ,,فهمه الوحيد منتديات تعب قلبي والحبحر يكون على السفره
وابراهيم توه طايح بالبلاك بيري وحالته حاله تلقاه منزويله بربعه الاستراحه ويطقطق <<ماادري وش يخربط ماادخل بذمتي شي,,,,!
ومحدثكم جرايد في جرايد ,,,
المهم مالكم بطولة السالفه,,
تمخض الاجتماع عن عدة قرارات اهمها
مايلي:
1_الموافقه بالأجماع على السفر لفرنسا
2_تفويض الشيف ابو نايف بما أنه راعي اتيكيتانه يروح يشتري لنا بدلات رسميه من محلات شارع السويلم بالبطحاء
3_تكليف صويلح بتجهيز العزبه والحركات
4_الزام ابراهيم بعمل الحجوزات اللازمه لفرنسا
5_تعتبر هذه القرارات نافذه من تاريخه
,,,المهم كل واحد منا اخذ اجازه من العمل حقه وطق طق مادرينا الا حنا بمطار فرنسا
طبعا" حنا انواع ال والحركات خخخخخخخخ<<كلهم صلعان لاتصدقون,,
وصلنا وعلى طول للفندق وريحنا ومن بكرى رحنا نتمشى بأحد أسواق باريس,,وأحصل ذيك المسابقه قالولي الشباب يرحم والديك ياسلطان لاتشارك لانه من سابع المستحيلات انك تفوز
بس ماسمعت كلامهم وشاركت رغم اني واثق اني ماني فايز بالمسابقه,,,!<<سألتكم بالله ما انرحم هههههههه
المهم جاوبت على كل الاسئله وبدلا" من ان اكتب اسمي ولأستبعاد فرضية اني افوز بالمسابقه كتبت في خانة الاسم(نانسي عجرم) ههههههه مادري ليش مسكت معي غلط وكتبت اسمها ..!ورحنا نفرفر بالسوق الا يقولون بعد لحظات سيتم اعلان اسم الفائز بالمسابقه..!
انا رحت الله يعزكم لدورات المياه لأني من المستحيل اني افوز خخخخخخخخخخخخخ
المهم اعلنوا اسم الفائز
^
^
^
^
^
^
^
^
^
الفائز هو نانسي عجرم
يالهوي<<بيجيني جلطه
لا وازيدكم من الشعر بيت
حاطين صورتي بكل شاشات العرض بالسوق..!<<مادريت انهم مصورينني يوم اكتب البيانات
ويقولون على الاخ نانسي عجرم التفضل بأستلام جائزته..!
ياويلي ويلاه وين اودي وجهي....!
اخوياي سحبوا علي وقالولي يالرخمه حنا مانمشي مع فنانات
والمشكله السوق كل اغلبه عرب وسعوديين والكل جلس يطالع فيني وانواع الشماته
اذكر وحده تقول الله يخلف على هالشنبات اللي مسمي نفسك نانسي
والثانيه تقول فشلتنا
والثالثه تقول افااااااا ياولد ديرتي
والرابعه والخامسه والسادسه
آآآآآآه بس لاتذكرونني
المهم رحت ادور اقرب مخرج وطلعت من السوق ولا استلمت الجائزه....!
ورجعت للفندق الا الشباب انواع الشماته...!
وقررت ارجع للسعوديه وحدي اشارك بمسابقات زيت كاسترول
المهم اخواني مايستفاد من القصه
لا لا لاتتهور
فربما يقوم حظك يوما" من الايام
وتصبح ضحيه
م/ن