كلن يصب الــ شاهي على قد الـ بيالـــته//// ~

{ بـسم الله الرحمن الرحــــــــــــيم }


الـسلأم عليكم ورحمة الله وبركاته ..,,

تــحيه طيبه وبــعد


كل عام وانتم الـى الله اقـرب ,,
/
/
/


~

كلن يصب الــ شاهي على قد الـ بيالـــته//// ~





المشهد الأول ...

رئيس دولة + رئيس دولة
الأول : وش أخبار دولتك؟
الثاني : الأمور فيها تمام بس مشكلة هالحدود مأرقتني شوي وماتخليني أنام..
الأول : أنتم للحين ماحليتوها ؟؟؟
الثاني : ياخوي أنا أحصلها من الحدود أو الشعب أو ...أو ..
أقول :
صب شاهي بس!!




المشهد الثاني ...

وزير + وزير
الأول : وش أخبار وزارتك؟
الثاني : الأمور فيها تمام بس العجز المالي شوي مأرقني ومايخليني أنام..
الأول : للحين ماعرفتوا الخلل؟
الثاني : أنا احصلها من العجز أو الاختلاسات
أو ..
أقول:
صب شاهي بس!!



المشهد الثالث..
مدير + مدير
الأول : وش أخبار إدارتك؟
الثاني : الأمور فيها تمام بس تسيّب الموظفين شوي مأرقني ومايخليني أنام..
الأول : للحين ماعالجت الوضع؟
الثاني : أنا أحصلها من الموظفين أو رؤوساء الأقسام
أو ..
أقول:
صب شاهي بس!!



المشهد الرابع...
موظف + موظف
الأول : وش أخبار شغلك؟
الثاني : الأمور فيه تمام بس موضوع الإجازة شوي مأرقني ومايخليني أنام..
الأول : للحين ما وافقوا لك عليها؟
الثاني : أنا أحصلها من الأدارة أو المراجعين
أو ..
أقول:
صب شاهي بس!!



المشهد الخامس...
مواطن + مواطن
الأول : وش أخبارك اليوم؟
الثاني : الأمور تمام بس مشكلة الشغالة شوي مأرقتني وماتخليني أنام..
الأول : للحين ماجتك التأشيرة؟؟
الثاني : أنا أحصلها من من مكتب العمل أو الاستقدام أو ..
أقول:
صب شاهي بس!!



المشهد السادس...
زوجة + زوجة
الأولى : وش أخبار عيالك؟
الثانيه : الأمور تمام بس هالبنت اللي ماجاها نصيب شوي مأرقتني وماخلتني أنام..
الأولى : للحين ماانخطبت؟
الثانيه : أنا أحصلها من خطبة البنت أو وظيفة الولد
أو ..
أقول:
صبي شاهي بس!!



المشهد السابع...

عامل + عامل
الأول : كيف كفيل مال أنتا؟
الثاني : كويس بس هذا مشكل راتب يسوي تفكير ومافي نوم ..
الأول : ليش هو مايعطي راتب ؟
الثاني : أنا مشكل كفيل أو مشكل بيت مال أنا أو ...
صديق:
جيب شاهي!!




المشهد الأخير...
كل الناس بكل فئاتها ومكاناتها الإجتماعية تعاني من هموم تؤرقها وكل واحدهمومه على حجمه وكلن
( يصب شاهي على قد البيالة اللي بيده)....
,,,,,,,,,,,,,,,,,,,,,,,,,,~